Գերմաներենի քննություններ

A1 մակարդակում  Գյոթե ինստիտուտն առաջարկում է  գերմաներենի երկու քննություն.

• Goethe-Zertifikat A1: Fit in Deutsch 1 (երեխաների և պատանիների համար, խորհուրդ է տրվում 10 տարեկանից)  
• Goethe-Zertifikat A1: Start Deutsch 1 (մեծահասակների համար, խորհուրդ է տրվում 16 տարեկանից)

Երկու քննությունն էլ հաստատում են A1 մակարդակի լեզվական գիտելիքները։   Քննությունները բաղկացած են «Լսել», «Կարդալ», «Գրել» և «Խոսել» քննական մասերից։

A1 քննությունը հաջող հանձնելով՝ մասնակիցներն ապացուցում են, որ

• կարող են հաղորդակցվել պարզ ձևով և ներկայանալ զրույցի ընթացքում, ինչպես նաև պատասխանել իրենց մասին հիմնական  հարցերին՝ օգտագործելով աջակցող ժեստեր։
• կարող են օգտագործել ծանոթ, ամենօրյա, հաճախ օգտագործվող արտահայտություններ և պարզ նախադասություններ (օրինակ՝ տեղեկություն տրամադրել սեփական անձի և ընտանիքի, գնումների աշխատանքի կամ դպրոցի, կենսապայմանների մասին)։
• կարող են հասկանալ կարճ, պարզ խոսակցություններ առօրյա իրավիճակներում, երբ զրուցակիցները խոսում են դանդաղ և հստակ:

Գյոթե վկայական A1՝ Start Deutsch 1-ը  համարվում է լեզվի իմացության  ապացույց  ամուսինների վերամիավորման վիզայի համար: 

A2 մակարդակում Գյոթե ինստիտուտն առաջարկում է գերմաներենի երկու քննություն՝

• Goethe-Zertifikat A2: Fit in Deutsch (պատանիների համար, խորհուրդ է տրվում 12 տարեկանից)
• Goethe-Zertifikat A2 (գերմաներենը մեծահասակների համար, խորհուրդ է տրվում 16 տարեկանից)

Beide Prüfungen bestätigen einfache Sprachkenntnisse auf der Niveaustufe A2. Die Prüfungen bestehen aus den Prüfungsteilen Hören, Lesen, Schreiben und Sprechen.

A2 քննությունը հանձնելով՝ մասնակիցներն ապացուցում են, որ

• կարող են հասկանալ և օգտագործել առօրյա իրավիճակներում հաճախակի օգտագործվող արտահայտություններ,
• կարող են շփվել պարզ, կենցաղային իրավիճակներում, երբ խոսքը ծանոթ և ընդհանուր թեմաների մասին է, օրինակ, ծագում և կրթություն, միջավայր և  կարիքներ,
• կարող է հասկանալ կրկնվող բառապաշար ունեցող կարճ տեքստերի կարևոր և հիմնական տեղեկությունները  (պարզ տեքստեր, հայտարարություններ կամ ցուցանակներ)։

B1 մակարդակում Գյոթե ինստիտուտը առաջարկում է Goethe-Zertifikat B1 պատանիների (խորհուրդ է տրվում 12 տարեկանից) և մեծահասակների համար (խորհուրդ է տրվում 16 տարեկանից): Երկու քննությունն էլ հաստատում են B1 մակարդակի խորացված լեզվական գիտելիքները։

Goethe-Zertifikat B1 բաղկացած է «Լսել», «Կարդալ», «Գրել» և «Խոսել» մոդուլներից, որոնք կարելի է հանձնել և վկայական ստանալ ինչպես առանձին, այնպես էլ մոդուլների տարբեր համադրություններով: Իր մոդուլային կառուցվածքի շնորհիվ այս քննությունը շատ ճկուն է։

Հանձնելով B1 քննությունը՝ մասնակիցներն ապացուցում են, որ  կարող են

• հասկանալ հիմնական տեղեկությունները, երբ խոսում են պարզ, ստանդարտ լեզվով՝ անդրադառնալով ամենօրյա այնպիսի թեմաների, ինչպիսիք են աշխատանքը, դպրոցը կամ ազատ  ժամանակը,
• պարզ, կառուցվածքային առումով հասկանալի և հասցեական մտքեր արտահայտել ծանոթ թեմաների շուրջ, խոսել անձնական հետաքրքրություններից ու փորձից, երազանքներից և նպատակներից, ինչպես նաև տալ հիմնավորումներ և բացատրություններ,
• հասկանալ պարզ մասնագիտական տեքստեր իրենց հետաքրքրությունների և սեփական մասնագիտական ոլորտի վերաբերյալ:

Goethe-Zertifikat B1 համարվում է Գերմանիայում կացության թույլտվության և քաղաքացիություն ստանալու համար անհրաժեշտ լեզվական գիտելիքների ապացույց:
 

B2 մակարդակում Գյոթե ինստիտուտն առաջարկում է Goethe-Zertifikat B2 պատանիների (խորհուրդ է տրվում 15 տարեկանից) և մեծահասակների համար (խորհուրդ է տրվում 16 տարեկանից): Երկու քննությունն էլ հաստատում են B2 մակարդակի խորացված լեզվական գիտելիքները։

Goethe-Zertifikat B2 բաղկացած է «Լսել», «Կարդալ», «Գրել» և «Խոսել» մոդուլներից, որոնք կարելի է հանձնել և վկայական ստանալ ինչպես առանձին, այնպես էլ մոդուլների տարբեր համադրություններով: Իր մոդուլային կառուցվածքի շնորհիվ այս քննությունը շատ ճկուն է։

Հանձնելով B2 քննությունը՝ մասնակիցներն ապացուցում են, որ

• կարող են հասկանալ կոնկրետ և վերացական թեմաներով բարդ տեքստերի հիմնական բովանդակությունը, ինչպես նաև սեփական մասնագիտական ոլորտին վերաբերող քննարկումները,
• կարող են այնքան հանպատրաստից ու սահուն հաղորդակցվել, որ հնարավոր լինի նորմալ զրույց վարել գերմանախոսի հետ, առանց կողմերից մեկի համար լարվածություն ստեղծելու,
• կարող է հստակ և մանրամասն կարծիք հայտնել տարատեսակ թեմաների շուրջ, ներկայացնել տեսակետ տվյալ հարցի վերաբերյալ և առանձնացնել տվյալ երևույթի հնարավոր առավելություններն ու թերությունները:

Goethe-Zertifikat B2 համարվում է լեզվի իմացության ապացույց ուսումնական հաստատություն փնտրելու նպատակով վիզա ստանալու  համար։
Goethe-Zertifikat B2 որպես լեզվի իմացության ապացույց, ընդունվում է նաև Գերմանիայի որոշ բարձրագույն ուսումնական հաստատություններում և տեխնիկական քոլեջներում ուսանելու համար:

C1 մակարդակում Գյոթե ինստիտուտն առաջարկում է Գյոթե Goethe-Zertifikat C1  համար (խորհուրդ է տրվում 16 տարեկանից): Այն հաստատում է խորացված  լեզվական գիտելիքները C1 մակարդակում:

Վկայականը բաղկացած է «Լսել», «Կարդալ», «Գրել» և «Խոսել» մոդուլներից, որոնք կարելի է հանձնել և վկայականներ ստանալ ինչպես առանձին, այնպես էլ մոդուլների տարբեր համադրություններով։ Իր մոդուլային կառուցվածքի շնորհիվ այս քննությունը շատ ճկուն է։

Հաջող հանձնելով C1 քննությունը՝ մասնակիցներն ապացուցուցում են, որ

• կարող են արդյունավետ և ճկուն կիրառել գերմաներենն անձնական, հասարակական, ակադեմիական և մասնագիտական ենթատեքստում,
• կարող են հասկանալ բարդ և երկար տեքստեր և դրանց տողատակի իմաստը, նույնիսկ եթե թեման անծանոթ է,
• կարող են հանպատրաստից և ազատ արտահայտվել՝ ներկայացնելով հստակ դիրքորոշում:

Goethe-Zertifikat C1 համարվում է լեզվի իմացության ապացույց՝ Գերմանիայի, Ավստրիայի և Շվեյցարիայի բազմաթիվ համալսարաններում և տեխնիկական քոլեջներում ուսանելու համար:

C2 մակարդակում Գյոթե ինստիտուտն առաջարկում է Goethe-Zertifikat C2՝ Großes Deutsches Sprachdiplom, մեծահասակների համար (խորհուրդ է տրվում 18 տարեկանից): Այն հաստատում է C2 մակարդակի լեզվական շատ խորացված գիտելիքները։ 

Goethe-Zertifikat C2 բաղկացած է «Լսել», «Կարդալ», «Գրել» և «Խոսել» մոդուլներից, որոնք կարելի է հանձնել և վկայականներ ստանալ ինչպես առանձին, այնպես էլ մոդուլների տարբեր համադրություններով։ Իր մոդուլային կառուցվածքի շնորհիվ այս քննությունը շատ ճկուն է։
«Գրել» մոդուլի 2-րդ մասում մասնակիցները հնարավորություն ունեն ընտրելու գրականության հետ կապված թեմա: Այս առաջադրանքները ստեղծվել են Մյունխենի Լյուդվիգ Մաքսիմիլիան համալսարանի հետ համատեղ:

Հաջող հանձնելով C2 լեզվամակարդակի  քննությունը՝ մասնակիցներն ապացուցում են, որ

• կարող են ամփոփել տարբեր գրավոր և բանավոր աղբյուրներից հավաքած տեղեկություններ՝ փոխկապակցված ձևով հիմնավորելով և բացատրելով դրանք,
• կարող են արտահայտվել հանպատրաստից, ազատ  և ճշգրիտ՝ միաժամանակ հստակեցնելով իմաստային նրբերանգները,
• կարող են հեշտությամբ հասկանալ այն ամենը, ինչ կարդում կամ լսում են գերմաներենով:

Goethe-Zertifikat C2 Գերմանիայի, Ավստրիայի և Շվեյցարիայի բոլոր համալսարանների և տեխնիկական քոլեջների կողմից ճանաչվում է  որպես լեզվական գիտելիքների ապացույց  ուսումնառության և հետազոտությունների համար:
Գերմանիայում դաշնային հողերը ճանաչում են C2 քննությունը որպես դասավանդման  որակավորման համար պահանջվող լեզվի իմացության ապացույց: Այս մասին տեղեկատվությունը կարելի է ստանալ համապատասխան դանշային հողերի պատկան  մարմիններից, ինչպիսիք են Մշակույթի  դպրոցների կամ կրթության նախարարությունները, ուսուցիչների վերապատրաստման վարչությունը, Շրջանային կառավարությունն ու Սենատի վարչակազմը:

Goethe-Test PRO -ն գերմաներենի թվային քննություն է մեծահասակների համար (խորհուրդ է տրվում 16 տարեկանից):  Թեստային հարմարեցված ընթացակարգի միջոցով ստուգվում են մասնագիտական իրավիճակներում կարդալու և լսելու հմտությունները։ Արդյունքը գնահատվում է A1-ից C2 լեզվամակարդակի սանդղակով:

Goethe-Test PRO-ն կարող է անցկացվել անմիջապես որևէ ընկերությունում՝ B2B* (Business to Business) ձևաչափով։
Լրացուցիչ տեղեկությունների համար խնդրում ենք դիմել  pro@goethe.de էլ․ փոստին։

  Abstract
Goethe-Test PRO․ Deutsch für den Beruf քննությունը 2017 թվականի ապրիլից ամբողջ աշխարհում անցկացվում է Գյոթե ինստիտուտների քննական  կենտրոններում և կորպորատիվ հաճախորդների շրջանում։ Այն մշակված է որպես հարմարեցված առցանց թեստ, որը ստուգում է  աշխատավայրում գերմաներեն լսելու և կարդալու հմտություններն ու կարողությունները A1-C2 մակարդակներում:

Այս ուսումնասիրության մեջ Goethe-Test PRO-ի որակը հետազոտվել է տարբեր չափումների արդյունքների վրա՝ հիմք ընդունելով 17 երկրներում թեստ հանձնած 5636 մասնակցի թեստի տվյալները։ Goethe-Test PRO-ն ունի > .9 աստիճանի հուսալիություն։ Թեստի հոգեմետրիկ հատկությունները նույնական են կիրառվում բոլոր պետություններում, որտեղ իրականացվում է Goethe-Test PRO-ն: